மெல்லிய நீரலை தழுவலில்
நறுமணம்
மெல்லிய காகித தழுவலில்
பேரொளி
மெல்லிய கண்ணாடி தழுவலில்
பேரிடி
மெல்லிய தகட்டின் தழுவலில்
காந்தவிசை
மெல்லிய ஸ்பரிசத்தின் தழுவலில்
பெருங்காமம்
கலைந்து போகையில்
கரைந்து போகையில்
காணாமல் போகையில்
கலைந்து கரைந்து காணாமல் போகையில்....
இந்த அன்பு கடுமையான
தழுவலிலும் நிறைவடைவதில்லை
மெரினாவில் நடைபழகையில்
முளைத்த அன்பு
காற்றில் கலைந்தும்
கடலில் கரைந்தும்
பாறையைப் பிளந்தும்
எரிமலைக்குழம்பில் இறங்கியும்
மெக்ஸிக கடற்கரையில் போய்
எழுந்து எதையோ வெறிக்கிறது